Oveçkin iki ilə Qretskiyə çatacaq?
“Çikaqo”nun hücumçusu, MHL-in 2023 draftının 1 nömrəsi Konnor Bedard belə hesab edir ki, “Vaşinqton”un forvardı Aleksandr Oveçkin Ueyn Qretskinin liqada qol sayına görə rekordunu iki il ərzində qıracaq:
“Düşünürəm ki, Oveçkin iki il ərzində bunu bacaracaq. Onun bu qədər çox qol vurması qeyri-adi hadisədi”.
"Football-plus.az" xəbər verir ki, 18 yaşlı kanadalı həmçinin daha güclü olmaq üçün Oveçkinin zərbə tərzini öyrəndiyini qeyd edib:
“Onu izləməyə, ondan nələrsə götürməyə çalışıram, xüsusən də təktoxunuşlu zərbələr baxımından. Mənim zərbələrim onun zərbələrinə yaxın düşmür, ancaq həmişə nəyisə öyrənmək olar”.
Xatırladaq ki, Oveçkin MHL tarixinin snayperləri arasında 822 qolla 2-ci pillədə qərarlaşıb. Bu göstəricidə rekord isə Ueyn Qretskiyə (894) məxsusdu.
Digər xəbərlər
