“The Hockey Writers” MHL tarixinin ən yaxşı hücumçularının siyahısını hazırlayıb.

“Football-plus.az” xəbər verir ki, “Vaşinqton”un rusiyalı hücumçusu Aleksandr Oveçkin də həmin siyahıya düşüb. Adı çəkilən nəşr hücum üçlüklərini də hazırlayıb. Oveçkin Ueyn Qretski və Qordi Hou ilə eyni bənddə yer alıb. Bütün üçlüklər:
Aleksandr Oveçkin – Ueyn Qretski – Qordi Hou
Sidni Krosbi – Mario Lemye – Yaromir Yaqr
Lük Robitayl – Brayan Trottye – Mayk Bossi
Bob Qeyni – Stiv Ayzerman – Bobbi Klark


Xatırladaq ki, nəşr ilk dəfə belə reytinqi üç il əvvəl hazırlayıb və mayda onu arxivdən qaldırıb.
37 yaşlı Oveçkin 2005-ci ildən “Vaşinqton”un şərəfini qoruyur. O, MHL tarixinin snayperləri arasında 2-ci yerdə qərarlaşıb. Hesabında 822 qol olan rusiyalı yalnız Ueyn Qretskidən (894) geri qalır. Forvard 2018-də “Vaşinqton”la Stenli kubokunu qazanıb. “Kepitalz” 2022/23 mövsümündə MHL-in pley-offuna çıxa bilməyib. Oveçkin isə müntəzəm çempionatın 73 oyununda 75 (42+33) xal toplayıb.