Oveçkin Qretskini nə vaxt arxada qoyacaq?
“Sportsnet”in insayderi və analitiki Nik Kipreos “Vaşinqton”un forvardı Aleksandr Oveçkinin MHL-də qol sayına görə Ueyn Qretskinin rekordunu nə vaxt qıracağı ilə bağlı fikirlərini bölüşüb:
“Ovi növbəti mövsümün sonuna qədər rekordu qıra bilməyəcək. Bu halda o, ardıcıl iki il 50 qol vurmalıdı. Bu mövsümdə daha 30 qol vura biləcəkmi? Bekstremin taleyi necə olacaq? Kuznetsov bu il Oveçkinin daha 30 qol vurmasını təmin edə biləcəkmi? Bütün bunların əhəmiyyəti var. Düşünmürəm ki, Ovi Qretskinin rekordunu növbəti mövsümün sonunda qıra bilə. O, bütün karyerasını bir komandada keçirib – azad agent bazarındakı indiki şəraitdə və maaş tavanı ilə. Düşünürəm ki, bir daha heç kim heç vaxt bir komandanın heyətində bu qədər qol vura bilməyəcək. İndiki kollektiv müqavilənin şərtləri daxilində bu heç vaxt baş verməyəcək”.
Xatırladaq ki, 37 yaşlı forvard ötən həftə müntəzəm çempionatda keçirdiyi 4 oyunda 8 (5+3) xal toplayıb, həmçinin MHL-də 800 qol həddinə çatıb. Oveçkin liqanın tarixinə bunu bacaran 3-cü hokkeyçi kimi düşüb. Dəfələrlə xatırlatdığımız kimi, rekord kanadalı Ueyn Qretskiyə məxsusdu (894), 2-ci yerdə isə onun həmvətəni Qordi Hou (801) qərarlaşıb.
Digər xəbərlər
