"Adətən, qapıçıların oynaması üçün yaş amili önəmli deyil. Şahruddinin 29 yaşı var. Bu, qapıçı üçün yetərli təcrübə deməkdi. Odu ki, Şahruddinin həm təcrübəli, həm də yığma üzvü qolkiper olduğunu nəzərə alsaq, uğurdu. Düşünürəm ki, Adana təmsilçisinin Şaha maraq göstərməsinin iki əsas səbəbi var. Biri onun miilli qapıçı olması, digəri isə Azərbaycan pasportu daşımasıdı. Çünki heyətdə oynadılan bir azərbaycanlı legioner sayılmır. 2-ci daha əsas cəhətdi. Fikirimcə, Şahruddinin son vaxtlar yol verdiyi səhvlər, azarkeşlərin və mətbuatın onun üzərinə hücumu qapıçının getməsi üçün zəmin yaratdı. Məncə, doğru qərar verdi. İndi onun əsas məqsəd Türkiyə təmsilçisində özünü yaxşı tərəfdən göstərərək əsas heyət üzvünə çevrilməsidi. Şahruddinin yaxşı performans sərgiləməsinin oyunçularımıza marağı bir qədər də artıracağı qənaətindəyəm. Zatən son vaxtlar "Qarabağ"dan üstün liqalara keçən oyunçular hələ ki özlərini doğruldurlar. Həmçinin xarici klubların "köhlən atlar"ın oyunçularına “elçi düşməsi” futbolumuz, Azərbaycan çempionatı üçün də reklamdı".