"Futbolda həmişə nəticə və səhvlər yadda qalır. Bu baxımdan qapıçıların səhvləri daha çox diqqət çəkir. Təbii ki, bütün qapıçıların səhvləri və uğursuz günləri olur. Şahruddinin də dünən günü deyildi və o, zəif çıxış edərək səvləriylə yadda qaldı. Heç bir qapıçı istəməz ki, bərbad çıxış etsin. Ona görə də millimizin üzvünün hamılıqla baltalanmasını tərəfdarı deyiləm. Yəni, etdiyi səhvlərə görə Şahruddinə “pis qapıçı” deyib qaralamaq düz deyil. Təbii ki, tənqid etmək olar. Əminəm ki, hamıdan çox bu məsələdə özünü obyektiv tənqid edən məhz Şahruddindi. Ona görə gəlin, baltalamamaqdan öncə "Qarabağ"ın qapıçısına dəstək olaq. Çünki heç bir qapıçı daim sabit, top buraxmadan, səhvsiz çıxış edə bilməz".