“Arsenal” premyer-liqanın “Mançester Yunayted” ilə oyununda (3:1) Tomas Partidən yararlana bilməyib.

"Football-plus.az" xəbər verir ki, londonluların yarımmüdafiəçisi zədələnib. O, komandanın məşqi zamanı sıradan çıxıb. Bu barədə Mikel Arteta məlumat verib. Baş məşqçi 30 yaşlı yarımmüdafiəçinin bir müddət oynamayacağını bildirsə də, yaşıl meydanlara nə vaxt qayıdacağına aydınlıq gətirməyib. Təcrübəli futbolçu məlum səbəbdən növbəti oyunlarda Qana millisinə də kömək edə bilməyəcək.

“Daily Mail”in məlumatına görə, Tomas ən azı 6 həftə oynamayacaq. Yeri gəlmişkən, o, bu mövsüm “Arsenal”ın heyətində bütün turnirlərdə 4 oyuna çıxıb, 1 sarı vərəqə alıb.