İngiltərə premyer-liqasında yanvarın laureatları müəyyənləşib. İki nominasiya üzrə nəzərdə tutulan mükafatlar fərqli klubların üzvlərinə çatıb.

İlin ilk ayının ən yaxşı məşqçisi adını “Arsenal”ı çalışdıran Mikel Arteta qazanıb. O, ardıcıl 2-ci, bu mövsüm isə 3-cü dəfə bu nominasiyada qalib gəlib. Xatırladaq ki, komanda ispaniyalı mütəxəssisin rəhbərliyi altında yanvarda premyer-liqada keçirdiyi 3 oyunda 2 qələbə qazanıb və 1 oyunu heç-heçə başa vurub. “Arsenal” hazırda çempionatda liderdi.

Markus Reşford isə ötən ayın ən yaxşı oyunçusu seçilib. “Mançester Yunayted”in hücumçusu “Mançester Siti” (2:1), “Bornmut” (3:0) və “Arsenal”a (2:3) qarşı oyunlarda bir qol vurub.