“Mançester Siti”nin heyətində bir gündə iki dəyişiklik qeydə alınıb. Komandanı bir oyunçu tərk edib, biri isə İngiltərə çempionuna qoşulub.

“Çelsi” Koul Palmeri transfer edib. Klubların rəsmi saytının məlumatında ingiltərəli yarımmüdafiəçi ilə “7+1 il”lik müqavilə imzalandığı bildirilib. Qeyd edək ki, Palmer MS-nin yetirməsidi. O, bu mövsüm komandada keçirdiyi 3 matçda 2 qol vurub. Bir neçə gün əvvəl insayder Fabritsio Romano London klubunun hücumameyilli yarımmüdafiəçi üçün “şəhərlilər”ə təxminən 47 milyon avro ödəyəcəyini, müqavilədə daha 6 milyon avro bonusun nəzərdə tutulduğunu bildirmişdi.

“Mançester Siti” heyətinə yeni oyunçu da cəlb edib. İngiltərə çempionu Mateus Nunyeşin transferi üçün “Vulverhempton” ilə anlaşıb. Portuqaliyalı futbolçunun yeni klubu ilə 5 illik müddətə razılaşdığı və keçidin 62 milyon avroya rəsmiləşdiyi açıqlanıb. 27 yaşlı Nunyeş “Vulverhempton”a 2022-ci ilin avqustunda “Sportinq”dən 45 milyon avroya keçib.

Yarımmüdafiəçi 2022/23 mövsümündə bütün turnirlərdə iştirak etdiyi 37 oyunda 1 qol vurub və 1 məhsuldar ötürmə verib.