İlk 3 turda 2 məğlubiyyət yaşamaqla mövsümə uğursuz başlayan ''Trabzonspor'' dünən fanatlarını mükəmməl qələbə ilə sevindirdi.

"Football-plus.az" xəbər verir ki, Nenad Byelitsanın komandası 4-cü turun açılış oyununda səfərdə ''Kasımpaşa'' ilə qarşılaşdı.

İlk yarını 3:0 öndə tamamlayan Trabzon təmsilçisi yekunda rəqibini 5:1 hesabı ilə darmadağın etdi. Maraqlıdı ki, komanda ''çərçivə''yə yalnız 7 zərbə vurdu ki, bunlardan da 5-i qolla nəticələndi. ''Trabzonspor'' həm də İstanbul təmsilçilərinə qarşı səfərdə 7 oyunluq qələbəsiz seriyaya (1 heç-heçə, 6 məğlubiyyət) son qoydu. ''Bordo-mavililər'' İstanbul təmsilçilərindən səfərdə sonuncu dəfə ötən ilin sentyabrında ''Ümraniyəspor''u yenmişdi. Bu, eyni zamanda ''Trabzonspor''un 2010-un oktyabrında qazandığı 7:0-lıq qələbədən bu yana superliqada səfərdə əldə etdiyi ən böyükhesablı qələbədi.

Maraqlıdı ki, 13 il əvvəlki zəfər də məhz elə ''Kasımpaşa'' ilə oyunda qazanılmışdı.

ƏLİ