* “Trabzonspor” avrokuboklarda 149-cu qarşılaşmada 58-ci məğlubiyyətini yaşadı (54 qələbə, 37 heç-heçə, top fərqi – 190:205).

* “Trabzonspor” avrokuboklarda rəqib meydanlarında 1282 gündü qələbəyə həsrətdi! Səfərdə son qələbə 2019-un avqustunda Avropa Liqasının təsnifatının pley-offunda AEK ilə oyunda əldə olunub (3:1). Trabzon təmsilçisi o vaxtdan bəri Avropa səhnəsində səfərdə keçirdiyi 10 qarşılaşmadan 1 heç-heçə, 9 məğlubiyyət ilə ayrılıb. Bu seriyada son 7 oyun Abdulla Avcının dönəminə təsadüf edib.

* Avcının avrokuboklardakı göstəriciləri ürəkaçan deyil. Təcrübəli mütəxəssis indiyə qədər “İstanbul BŞ”, “Beşiktaş” və “Trabzonspor”un başında çıxdığı 38 avrokubok qarşılaşmasında cəmi 8 qələbəyə sevinib (10 heç-heçə, 20 məğlubiyyət). Səfər oyunlarında isə vəziyyət daha da acınacaqlıdı: 1 qələbə, 4 heç-heçə, 13 məğlubiyyət. O, məşqçi karyerasında yeganə səfər qələbəsinə “İstanbul BŞ”nin başında sevinib. Başakşəhərlilər 2017/18-də AL-in qrup mərhələsində Bolqarıstanda “Ludoqorets”dən üstün olublar (2:1).

* Bakasetas “Trabzonspor” karyerasında yerinə yetirdiyi 14 penaltidən 5-ni boşa verib!

* “Bazel”lə “Trabzonspor”un yolu 2019/20-də AL-in qrup mərhələsində də kəsişmişdi. O vaxt İsveçrədə meydan sahibləri yenə də 2 cavabsız qolla qalib gəlmişdisə, Trabzondakı oyun 2:2-lik bərabərliklə yekunlaşmışdı. Bundan başqa, “Bazel” 2003/04-də UEFA kubokunun 1-ci mərhələsində “Malatyaspor”u da mübarizədən kənarlaşdırmışdı (səfərdə 2:0, evdə 1:2).