“Qalatasaray” 12-si superliqa, 3-ü kubokda olmaqla ardıcıl 15-ci oyunda qalib gəldi!

Football-plus.az xəbər verir ki, klub tarixində çempionatda ardıcıl 12 qələbə daha öncə yalnız bir dəfə olmuşdu. Amma bu, 1987/88-in son 9 və 1988/89-un ilk 3 oyununda olmaq şərtilə baş vermişdi. Bir mövsümün gedişində isə klubun belə seriyası olmamışdı.

Bu arada, Okan Buruk superliqa tarixində 1 mövsümün gedişində ardıcıl 12 qələbəyə sevinən ilk yerli mütəxəssis oldu!

Yeri gəlmişkən, “Qalatasaray” ilə “Trabzonspor” superliqa çərçivəsində 100-cü dəfə qarşılaşdı. “Aslanlar” 43-cü qələbəsini qazandı (32 məğlubiyyət).

Həmçinin “Trabzonspor”un İstanbul nəhənglərinə qarşı 9 oyunluq məğlubiyyətsiz seriyası başa çatdı (4 qələbə, 5 heç-heçə).

Son çempion Abdulla Avcının dönəmində İstanbul nəhənglərinə qarşı səfərdə keçirdiyi 7-ci rəsmi oyunda ilk dəfə məğlub oldu (3 qələbə, 3 heç-heçə). Ümumilikdə komanda Avcı ilə nəhənglərə qarşı keçirdiyi 14-cü oyunda cəmi 3-cü dəfə uduzdu.

2007-dən bəri ilk dəfə Abdulla Avcının çalışdırıdığı klub çempionatda ardıcıl 4 səfər oyunundan xalsız ayrıldı. Avcı daha öncə bunu 2007-nin avqust-oktyabrında “İstanbul BŞ”nin başında yaşamışdı.

Son olaraq, “Trabzonspor” bu mövsüm superliqada səfərdə keçirdiyi 11 oyundan 3 qələbə, 2 heç-heçə, 6 məğlubiyyətlə ayrılaraq cəmi 11 xal toplayıb (top fərqi – 15:25). Müqayisə üçün deyək ki, komanda ötən mövsüm səfərdəki ilk 11 oyundan 8 qələbə, 2 heç-heçə, 1 məğlubiyyətlə ayrılaraq 26 xal toplamışdı (20:9).

ƏLİ