Şarl Leklerin “Ferrari” ilə yeni müqavilə mövzusunda apardığı danışıqların təfərrüatı bəlli olub.

"Football-plus.az" xəbər verir ki, onun indiki müqaviləsinin vaxtı 2024-cü ilin sonunda bitəcək. Fransanın “Sportune” nəşri xəbər verir ki, Leklerlə skuderiya “2+3” sxemi üzrə müqavilə bağlamağı razılaşdırıb. Yəni Şarl 2025-ci və 2026-cı illərdə “Ferrari”ni tərk edə bilməz. 2027, 2028 və 2029 mövsümləri ərəfəsində isə nəticələrlə bağlı olan opsiya işə düşəcək, artıq monakolu pilotun komandadan ayrılmaq imkanı olacaq. Beşillik müqavilənin ümumi dəyərinin 200 milyon dollardan artıq olacağı deyilir. Leklerə ödənişlər get-gedə artacaq və son mövsümdə 55 milyon dollara çatacaq.

Onu da xatırladaq ki, Şarl 2019-cu ildən bəri “Ferrari”nin şərəfini qoruyur. O, 2023 mövsümünün 12 mərhələsindən sonra 99 xalla şəxsi hesabda 5-ci yerdə qərarlaşıb.