Əcnəbi oyunçuların bolluğundan əziyyət çəkən ''Fənərbaxça'' onların arasından özünə lazım olmayanlarla yollarını ayırmağa başlayıb.

“Football-plus.az” xəbər verir ki, artıq Joao Pedronun İstanbul nəhəngini tərk etməsi demək olar, dəqiqləşib. Təcrübəli futbolçu ''Qremio'' ilə anlaşıb və tibbi müayinədən keçmək üçün Braziliyaya yollanıb. ''Fənər''in bu satışdan (və ya icarədən) nə qədər qazanacağı barədə məlumat yoxdu.

Xatırladaq ki, uzun illər ''Kalyari''nin heyətində sərgilədiyi oyunla populyarlıq qazanan Braziliya əsilli italiyalı forvard ötən yay 680 min avro qarşılığında ''Fənər''ə keçmişdi. ''Qalatasaray''ın da israrla transfer etmək istədiyi 31 yaşlı hücumçu ''sarı-lacivərdlilər'' ilə 2025-ə qədər müqavilə imzalamışdı. Amm Joao Pedro ona bəslənən ümidlərin heç yarısını da doğrulda bilmədi. Türkiyə futboluna uyğunlaşa bilməyən, üstəlik zədə problemi ilə qarşılaşan Pedro mövsüm ərzində cəmi 28 rəsmi oyuna çıxaraq 5 qol, 1 məhsuldar ötürməlik zəif performans ortaya qoydu. Pedronun ardından Qustavo Enrike ilə Villian Araonun da ayrılacağı gözlənilir. Hər iki futbolçu baş məşqçi İsmayıl Kartalın planlarına daxil deyil və onlar əsas komandadan kənarlaşdırılıblar.

ƏLİ