Mauro İkardini heyətdə saxlamağın çətinliyini anlayan ''Qalatasaray'' digər variantları nəzərdən keçirməkdə davam edir.

"Football-plus.az" xəbər verir ki, Türkiyə mətbuatının yazdığına inansaq, ''Cim-Bom'' indi də gözünü ''Fənərbaxça''nın sabiq hücumçusu Vedat Muriqiyə yönəldib. Okan Burukun da bu transferə müsbət baxdığı iddia edilir. ''Takvim'' nəşrinin xəbərinə görə təcrübəli kosovolu hücumçu da Türkiyəyə qayıtmağın və ''Qalatasaray''da oynamağın əleyhinə deyil. Danışıqların davam etdiyi vurğulanılır. Muriqi son mövsümdə ''Malyorka''nın heyətində 37 rəsmi oyunda 16 qol, 4 məhsuldar ötürməlik performans sərgilədi. 29 yaşlı futbolçu ilə 2027-yə qədər müqaviləsi olan ''Malyorka'' İstanbul nəhəngindən 7-8 milyon avro tələb edir. 2019/20-də ''Fənər''in şərəfini qoruyan Muriqi Türkiyədə ''Girəsunspor'', ''Gənclərbirliyi'' və ''Çaykur Rizəspor''da da forma geyib.