"Şükür Allaha, məqsədimə çatdım. Aylar öncə "Futbol+"ə açıqlamamda demişdim ki, hədəfim "Turan Tovuz"un əsas heyətində yer almaqdı. Nəhayət, baş məşqçimiz Ayxan Abbasovdan bununla bağlı təklif gəldi. Qəbul etməyə bilməzdim. Bilirsiz ki, Tovuz futbolunun yetirməsiyəm. Həm şəhər, həm də komanda mənə doğmadı. Əsas komandaya dəvət almağım məni xoşbəxt etdi. Uzun zaman idi ki, böyük futboldan uzaq idim. Son aylarda düşərgədə və evdə məşqlər edib formamı bərpa etdim. İndi start heyətində yerimi möhkəmləndirməyə çalışacam.

Növbəti mövsüm premyer-liqada ciddi rəqabət olacağı bəllidi. Heç nə hədəflərimizə əngəl ola bilməyəcək. Tovuzlu azarkeşlər də arxamızdadı. Burda futbola dəyər verən insanlar çoxdu. Qarşıda bizi çox maraqlı oyunlar gözəyir. Yeri gəlmişkən, çalışdırıcımıza təşəkkür edirəm. 4 ildi ki, futboldan uzaq olduğum halda mənə güvəndi. Məşqlərimi izlədi, həvəsimi gördü. Bu mənim üçün vacib amildi. Həmin güvənə və inama layiq olacam".

Budaq Nəsirov başqa klublardan təklif alıb-almadığı haqda suala isə belə cavab verdi:

"Dəvət edən komandalar var idi. Ad açıqlamaq istəmirəm. Amma dediyim kimi, yeganə məqsədim "Turan Tovuz" olduğuna görə, başqa dəvətləri qəbul etmədim".