"Tovuzlu olduğum üçün doğma komandamızı tək buraxmıram. İstər səfər, istərsə də ev oyunumuz olsun, gedirəm. Yola saldığımız 4 turun hamısında iştirak etmişəm, bundan sonra da matçlara gedəcəm. "Turan Tovuz"a və onun kollektivinə güvənirəm. Komanda yenidən formalaşmasına rəğmən, futbolçular meydanda əzmlə mübarizə aparır. "Sumqayıt"la matçdan sonra da paltardəyişdə otağında oyunçularımızın hər birini bağrıma basıb təbrik etdim. "Turan Tovuz"un qarşıdakı görüşlərdə də mübariz oyun sərgiləyib qələbələr, xallar qazanacağına inanıram. Komandadan əsas gözləntim mübarizliyi, döyüşkənliyi itirməməsidi".