Artıq İngiltərə paytaxtında olan belaruslu tennisçi, adətən, mətbuat konfranslarında siyasi xarakterli suallarla üzləşir. Belarusun Ukrayna ərazisini işğal etməyə çalışan Rusiyanın əsas siyasi-hərbi tərəfdaşı olduğunu nəzərə alsaq, Arinanın düşdüyü vəziyyət anlaşılandı. “Football-plus.az” onun növbəti dəfə mətbuat konfransında çətin duruma düşdüyünü xəbər verir:
“Dərhal bəyan edirəm ki, siyasət haqda danışmayacam. Mən bura yalnız tennisi müzakirə etməyə gəlmişəm. Siyasi xarakterli suallarınız varsa, Qadın Tennisçilər Assosiasiyasından soruşun və ya əvvəlki turnirlərdəki cavablarıma baxın”.
