"Oyuna çox ciddi və motivasiya ilə hazırlaşırdıq. Hədəfimiz meydanı 3 xalla tərk etmək idi. Estoniya inkişafda olan milli olsa da, bizdən heç də üstün deyildi. Hamımız onları üstələməyi düşünürdük. Amma təəssüf ki, oyuna istədiyimiz kimi qoşula biımədik. Rəqib də ilk dəqiqələrdən çox istəkliydi. Onların qrupdakı digər oyunlarına da baxmışdıq. Estoniya hesabı açandan sonra həm yaxşı qapanır, həm də sürətli əks-hücümlara qoşula bilir. Avstriya ilə matçda da estonlar hesabı açıb sonra 1:2 hesabıyla məğlub oldu. Bizlə oyunda da belə oldu. İlk yarıda rəqibin təhlükəli imkanları oldu, 2-3 qol da vura bilərdilər. Amma ikinci hissədə toparlandıq və qol imkanları yaratdıq. Qələbə də qazana bilərdik, amma alınmadı. Fürsətlərdən birini qola çevirə bildik. İstəməzdik belə nəticə göstərək. Qarşıdakı oyunlarda daha yaxşı çıxış edərək azarkeşlərimizi sevindirməyə çalışacağıq".

"Estoniya ilə matçın ilk hissəsində oyunumuz alınmadı. Fasilədən sonra üstün olsaq da, yaxaladığımız fürsətlərin yalnız birindən yararlana bildik. Oyuna qələbə üçün çıxmışdıq. Təəssüf ki, azarkeşlərimizi qələbə ilə sevindirə bilmədik".

"İlk hissədə bərbad oynadıq. Fasilədən sonra oyuna nəzarəti ələ aldıq. Çox heyif ki, fürsətlərdən yararlana bilmədik. Ümidimizi itirməməliyik. İnkişaf etmək üçün üzərimizdə çalışmalıyıq. Bizə dəstək verən və stadiona gələn azarkeşlərə təşəkkürümü bildirirəm".