“Öz meydanımda Estoniyaya məğlub ola-ola, sonda 1 xala sevinirəmsə, buna nə münasibət bildirim? Bilirik ki, qrupdan çıxa bilməyəcəyik. Avstriya, Belçika, İsveç kimi rəqiblər bizdən güclüdü. Yəni Estoniyadan da zəifik? Ötən il seçmə mərhələdə U-21 komandamız eston həmyaşıdlarına 5 qol vurdu. Estoniyanın futbolda gələcəyi görünmür. Ancaq əsas yığma heç-heçəyə sevinir. Sizi əmin edirəm ki, bu heyətlə nəsə etmək olar. Çox şeyi dəyişməklə bugünkü heyətlə çox şeyə nail olmaq mümkündü. Qrupdan çıxmağa hazır olmasaq da, ən azı mübariz komanda qurmaq olar. Hər məğlubiyyətdən sonra AFFA rəhbərliyi çıxıb kimdəsə günah axtarmasın. AFFA rəhbərliyinə Estoniya ilə oyundakı nəticədən sual verirlər, deyir, uşaq futboluna diqqət yetirməliyik. Şənbə günü keçirilən matçla uşaq futbolunun nə əlaqəsi var? Milli qələbə qazana bilmir, bunlar uşaq futbolundan danışır. Bilirsiz, bizdə niyə futbol yoxdu? Çünki bir işi bitirməmiş başqa işin dalınca düşürlər”.