Mali millisinin üzvü Mussa Sissako karyerasını Azərbaycanda davam etdirə bilər.


“Football-plus.az” xəbər verir ki, hazırda Rusiyanın “Soçi” klubunda çıxış edən müdafiəçi 3 premyer-liqa təmsilçisinə təklif olunub. Bunlar “Qarabağ”, “Sabah” və “Neftçi”di.

Məsələ ilə bağlı redaksiyamıza maraqlı informasiya daxil olub. Ağdam təmsilçisi 22 yaşlı futbolçudan imtina edib. “Sabah” keçidin maliyyə şərtlərinin yüksək olduğunu bildirirək onunla maraqlanmayıb.

“Neftçi” isə futbolçu ilə yaxından maraqlanır. Əvvəlcədən qeyd edək ki, müdafiəçinin Rusiya klubu ilə 2025-ci ilə qədər müqaviləsi var. Bu səbəbdən də “ağ-qaralar” Mussanı icarəyə götürmək istəyir. Lakin bu məsələ o qədər də asan olmayacaq. “Soçi” onun icarəsi üçün 50 min dollar tələb edir. Oyunçunun mövsümlük qazancı isə 300 min dollardı. “Neftçi” onu 2023/24 “futbol ili” üçün icarəyə götürərək perfomansına uyğun birdəfəlik transfer etmək istəyir. Mussa flaqmanda istənilən səviyyədə çıxış etsə, “Soçi” keçid zamanı “Neftçi”yə üstünlük verəcək. Klublar arasında danışıq davam edir.

Qeyd edək ki, Mussa Sissako bu mövsüm “Soçi”nin heyətində 15 matça çıxıb. O, bu görüşlərdə 1 qol vuub. 22 yaşlı müdafiəçi karyerası ərzində Fransanın PSJ, Belçikanın “Standart” klublarında çıxış edib. Mali millisinin heyətində 4 qarşılaşmada meydana çıxsa da, fərqlənə bilməyib.

İLKİN SULTANLI