Premyer-liqada mövsümün ilk yarısı başa çatdı.

Bu səbəbdən də transfer söz-söhbətləri çoxaldı. Dedi-qodularda ən çox adı hallanan klubumuz "Qarabağ"dı. Ya kimisə Ağdam təmsilçisindən göndərirlər, ya da hansısa futbolçunu "köhlən atlar" transfer edir.

Mediada yazılanlara inansaq, "qış çempionu" Telmu Arkanjunu transfer edəcək. "Football-plus.az"a məsələ ilə bağlı maraqlı informasiya daxil olub. "Qarabağ" futbolçu ilə maraqlanmayıb.

Lakin kabo-verdeli yarımmüdafiəçi karyerasını Azərbaycanda davam etdirə bilərmiş. Onunla "Neftçi" maraqlanıb. Lakin 21 yaşlı futbolçu ilə yekunda razılıq əldə olunmayıb. Arkanju flaqmanın təklifindən imtina edib. Buna səbəb "Tondela" rəhbərliyinin yenidən Portuqaliyanın əsas liqasına vəsiqə qazanmaq istəməsidi. Buna görə də yarımmüdafiəçi komandanı tərk etmək istəməyib.

Qeyd edək ki, Telmu Arkanju ilə "Neftçi"nin maraqlandığını noyabrın 4-də diqqətinizə çatdırmışdıq.