Bir müddət öncə Kvabena Ovusu ilə Rusiya klublarından birinin maraqlandığını xəbər vermişdik.

Football-plus.az-a məsələ ilə bağlı yeni informasiya daxil olub. Sən demə, "Soçi" qanalı forvardı transfer etmək istəyib. Premyer-liqa təmsilçisi keçid üçün Ağdam klubuna 500 min avro təklif edib. Lakin Ovusu Rusiyada oynamaqdan imtina edib.

25 yaşlı futbolçu karyerasını Macarıstanda davam etdirmək niyyətindədi. O, Ağdam təmsilçisindən daha tez - fevralda ayrılmaq istəyir. "Ferentsvaroş" Ovusu ilə ilkin razılıq əldə edib. Lakin onun müqaviləsi iyunun 30-da başa çatacaq. Budapeşt klubu müqavilənin ləğv olunması üçün Ağdam təmsilçisinə 500 min avro təklif edib.

Bu məsələ yaxın günlərdə yekunlaşacaq. Ovusunun özü isə Macarıstan klubunda illik 350 min avro qazanacaq.

İLKİN SULTANLI