Ukraynada sona bir tur qalmış əsas suala aydınlıq gəldi. “Zarya”nın ardından “Dnepr-1”i də darmadağın edən “Şaxtyor” vaxtından əvvəl çempion oldu.

“Football-plus.az” xəbər verir ki, 9-cu dəqiqədə hesabı açan Bondarenko həm də “şaxtaçılar”ın ölkə çempionatındakı 2000-ci qolunu vurdu. Donetsk klubu bu hədəfə hamıdan tez çatdı. 60-cı dəqiqəyə qədər oyunun taleyi həll olundu. Sikan 55-ci, Stepanenko 59-cu dəqiqədə fərqləndi. Müstəqillik tarixində 14-cü dəfə çempion olan “Şaxtyor” bu göstəricidə yalnız “Dinamo”dan (16) geri qalır. 1992-ci ildə keçirilən ilk çempionatın qalibi isə “Tavriya” olub.

“Aleksandriya”nı məğlub edən “Zarya” mövsümü ən azı bürünc medalla bitirəcək. Luqansklılar Emil Mustafayevin də şərəfini qoruduğu komandanın qapısına ilk 24 dəqiqədə iki dəfə yol tapdı və qələbə hesabını əldən vermədi. Soydaşımız iş-işdən keçəndən sonra – 46-cı dəqiqədə oyuna qoşuldu. “Aleksandriya” son tur ərəfəsində hələ Konfrans Liqasına vəsiqə qazanmaq şansını qoruyur. Düzdü, turu qələbə ilə başa vuran “Vorskla” ilə “Krivbass”dan biri də son turda 5-ci pilləni ələ keçirə bilər.

“Zarya”nın qələbəsi o anlama gəlir ki, “Dinamo” müstəqillik tarixində 2-ci dəfə medalsız qalacaq. Kiyevlilər ilk dəfə belə aqibətlə 2013/14 mövsümündə üzləşib. “Dinamo” hesabat turunda “Veres”i darmadağın etdi. Bu tur həmçinin “Metallist”in elitadan gedişinin rəsmiləşməsi ilə əlamətdar oldu. Mövsümün sonunda 13-14-cü yeri tutacaq komandalar elitada yerini qorumaq üçün pley-off oyunları keçirəcək.

29-cu tur
Şaxtyor – Dnepr-1 3:0
Bondarenko, 9. Sikan, 55. Stepanenko, 59.
Şaxtyor: Trubin, Bondar, Konoplya (Mixayliçenko, 31), Matviyenko, Rakitski, Stepanenko, Bondarenko (Nazarina, 82), Sudakov, Krıskiv (Topalov, 70), Sikan (Kelsi, 70), Zubkov (Şved, 82).
Dnepr-1: Rıbak, Kapliyenko (Hayner, 61), Adamyuk, Tankovski (Koqut, 66), Sarapi, Pixalenok, Pasiç (Tançik, 75), Peqlou, Minqo (Rubçinski, 61), Dovbik, Qutsulyak (Luçkeviç, 75).
Dinamo – Veres 3:0
Ramires, 49. Qarmaş, 89. Voloşin, 90+3.
Dinamo: Buşan, Dyaçuk, Dubinçak, Sirota, Karavayev, Buyalski (Sarenko, 77), Andriyevski (Şaparenko, 77), Sidorçuk, Kabayev (Voloşin, 65), Benito (Tımçik, 46), Ramires (Qarmaş, 65).
Aleksandriya – Zarya 0:2
Rusin, 9. Buletsa, 24.
Metallist 1925 – Krivbass 0:2
Zaderaka, 46. Korablin, 90+4.
Vorskla – Kolos 2:0
Felipe, 75. Sklyar, 87.
Metallist – Minay 1:2
Demçenko, 36 – Vişnevski, 61. Palamar, 75-p.
Çernomorets – Rux 1:3
Kuzık, 45 – Solomon-Otabor, 17. Klimçuk, 30; 64.
Lvov – İnqulets 0:2
Kovalyov, 52-p. Sitalo, 71.

1. Şaxtyor 29 22 6 1 68-19 72
2. Dnepr-1 29 20 4 5 60-27 64
3. Zarya 29 20 4 5 61-31 64
4. Dinamo 29 18 5 6 50-24 59
5. Aleksandriya 29 10 13 6 42-39 43
6. Vorskla 29 12 6 11 36-36 42
7. Krivbass 29 12 5 12 26-29 41
8. Minay 29 8 9 12 22-30 33
9. Kolos 29 9 6 14 22-36 33
10. Çernomorets 29 8 8 13 32-40 32
11. Metallist 1925 29 6 13 10 22-41 31
12. Rux 29 7 10 12 31-37 31
13. İnqulets 29 8 7 14 22-33 31
14. Veres 29 7 7 15 34-45 28
15. Metallist 29 5 7 17 27-55 22
16. Lvov 29 3 4 22 18-51 13

Bombardir: Dovbik (Dnepr-1) – 24.

Sonuncu turun oyunları iyunun 4-də keçiriləcək: Dnepr-1 – Krivbass, Kolos – Lvov, Metallist 1925 – Dinamo, Metallist – Çernomorets, Minay – Zarya, Rux – Aleksandriya, Veres – İnqulets, Vorskla – Şaxtyor.