Liderlərdən “Şaxtyor”la “Dnepr-1” turu qələbə ilə başa vurdu.

Bondarenkonun 2-ci hissənin ortalarında vurduğu qol “şaxtaçılar”ın üzünü güldürdü. “Lvov”u darmadağın edən “Dnepr-1” isə 5 yox, hətta 10 qol vura bilərdi. “Dinamo” da “Minay” önündə heç bir çətinlik çəkmədi.

İlk “üçlük”də qərarlaşanlardan yalnız “Zarya” büdrədi. “Krivbass” luqansklıların 4 oyunluq qələbə seriyasına son qoydu.

Soydaşımız Emil Mustafayevin şərəfini qoruduğu “Aleksandriya” isə evdə Roman Qriqorçukun çalışdırdığı “Çernomorets”lə heç-heçə etdi. Halbuki odessalılar 2-ci hissəni azlıqda keçirdi. Emil ilk yarıda meydanda oldu, fasilədən dərhal sonra əvəzləndi.

Bombardirlər: Dovbik (Dnepr-1) – 17, Buyalski (Dinamo) – 11.
Növbəti turun oyunları aprelin 14-16-sı aralığında keçiriləcək: Minay – Krivbass, İnqulets – Kolos, Rux – Dinamo, Metallist – Veres, Zarya – Dnepr-1, Metallist 1925 – Aleksandriya, Şaxtyor – Lvov, Çernomorets – Vorskla.