“Şaxtyor” “Dnepr-1” ilə çempionluq yarışında əldə etdiyi üstünlüyü itirdi.

"Football-plus.az" xəbər verir ki, “Dinamo” və “Aleksandriya” ilə oyunlardakı heç-heçələr gətirib ona çıxardı ki, Ukrayna premyer-liqasında artıq potensial iki lider var. “Dnepr-1” donetsklilərdən 3 xal geri qalsa da, “Aleksandiya” ilə təxirə salınan oyunda da qarşılaşmalıdı.

“Şaxtyor” oyuna fəal başlasa da, ilk qol məhz bu komandanın qapısına vuruldu. Mixaylenkonun uzaqdan zərbəsi zamanı Trubin kobud səhvə yol verdi. 2-ci hissədə “Aleksandriya” tam heyətlə müdafiəyə çəkilib hesabı qorumağa çalışdı. “Şaxtyor”u məğlubiyyətdən Kelsi qurtardı. 75-ci dəqiqədə Krıskivin zərbəsindən sonra dirəkdən dönən topa məhz o özünü çatdırdı. “Şaxtaçılar”ın qələbə topunu vurmağa gücü çatmadı. “Aleksandriya”nın start heyətində yer alan Emil Mustafayev 89-cu dəqiqədə əvəzləndi.

Liderin xal itkisindən “Dnepr-1” bacarıqla yararlandı. Roman Qriqorçukun çalışdırdığı “Çernomorets” bu yaz inamlı görünür, odessalılar bu oyuna qədər yalnız “Vorskla” ilə “Zarya”ya uduzmuşdu. “Çernomorets”lə “Dnepr-1”in duelindən yaxş oyun gözləyən azarkeşlər istədiyi gördü. Alefirenko 2-ci hissənin əvvəlində “dənizçilər”i irəli çıxarsa da, az sonra Nazarenko hesabı bərabərləşdirdi. Sonda çempionatın bombardiri Dovbik səhnəyə çıxdı və qonaqların hava-su kimi arzuladığı qol vurdu.

Medallara iddialı “Dinamo” da turu qələbə ilə başa vurdu. İlk yarıda “Krivbass”, fasilədən sonra isə kiyevlilər üstün təsir bağışladı. 48-ci dəqiqədə Andriyevskinin asması zamanı gözdən yayınan Popov 9 metrdən baş zərbəsi ilə hesabı açdı. Bundan sonra meydanda futbol adına heç nə olmadı. İtələmələr, mübarizə, sarı vərəqələr, daimi dayanmalar... Hər halda, “Dinamo” Şovkovskinin rəhbərliyi altında 3-cü, ardıcıl 5-ci qələbəsini qazandı.
Amma kiyevlilər nə qədər çalışsa da, 3-cü pillədəki “Zarya” ilə xal fərqini azalda bilmir. Luqansklılar hesabat turunda “Metallist 1925”i darmadağın etdi.

25-ci tur
Aleksandriya – Şaxtyor 1:1
Mixaylenko, 9 – Kelsi, 75.
Şaxtyor: Rubin, Rakitski (Mixayliçenko, 70), Bondar, Matviyenko, Konoplya, Stepanenko, Bondarenko (Sikan, 86), Sudakov, Curasek (Krıskiv, 46), Şved (Zubkov, 70), Traore (Kelsi, 24).
Çernomorets – Dnepr-1 1:2
Alefirenko, 54 – Nazarenko, 57. Dovbik, 82.
Dnepr-1: Rıbak, Svatok, Adamyuk (Hayner, 86), Sarapi, Rubçinski (Koqut, 75), Pixalenok (Podlepenets, 86), Nazarenko (Pasiç, 86), Babenko, Minqo (Peqlou, 59), Dovbik, Qutsulyak.
Krivbass – Dinamo 0:1
Popov, 48.
Dinamo: Neşeret, Popov, Tımçik, Dubinçak, Sirota, Sidorçuk, Buyalski (Sarenko, 82), Andriyevski (Lonveyk, 90), Kabayev (Voloşin, 46), Vanat (Ramires, 72), Benito (Perris, 72).
Zarya – Metallist 1925 3:0
Şaxov, 7. Rusin, 48. Gerrero, 52.
Metallist – Lvov 1:0
Pryadun, 79.
Minay – Vorskla 2:0
Petko, 45. Tverdoxleb, 90+4.
Rux – İnqulets 3:0
Solomon-Otabor, 14. Klimçuk, 47; 90+5.
Veres – Kolos 0:1
Balan, 8-öz qapısına.

1. Şaxtyor 25 18 6 1 58-18 60
2. Dnepr-1 24 18 3 3 55-20 57
3. Zarya 25 17 4 4 52-28 55
4. Dinamo 25 15 5 5 37-20 50
5. Aleksandriya 24 9 11 4 36-29 38
6. Kolos 25 9 6 10 21-27 33
7. Krivbass 25 9 5 11 21-28 32
8. Vorskla 25 8 6 11 29-35 30
9. Metallist 1925 25 5 12 8 20-38 27
10. İnqulets 25 7 6 12 20-29 27
11. Çernomorets 25 6 8 11 27-34 26
12. Minay 25 6 8 11 19-28 26
13. Rux 25 5 9 11 26-35 24
14. Veres 25 6 6 13 30-38 24
15. Metallist 25 5 7 13 26-44 22
16. Lvov 25 3 4 18 18-44 13
Bombardir: Dovbik (Dnepr-1) – 21.

Növbəti turun oyunları mayın 13-15-i aralığında keçiriləcək: Dinamo – Çernomorets, İnqulets – Şaxtyor, Lvov – Vorskla, Metallist – Zarya, Veres – Metallist 1925, Krivbass – Rux, Minay – Dnepr-1, Kolos – Aleksandriya.