“Daha öncə ”Ayaks”, “Alkmaar”, “Vesterlo”, “Genk”i, eləcə də bir çox Türkiyə klubunu ziyarət etmişdim. Bəzi klublarda gördüklərim məni yaxşı mənada təəccübləndirmişdi. Amma əminliklə deyə bilərəm ki, “altyapı” baxımından ən yaxşı şərait “Kasımpaşa”dadı. Həqiqətən də hər şey çox mükəmməl səviyyədə təşkil olunub. “Double Pass” şirkəti ilə imzaladığımız müqaviləyə əsasən bütün klublar üçün yeni “altyapı” sistemi hazırlanacaq. Hazır olandan sonra klublara ötürüləcək. Zaman-zaman klubları ziyarət edərək görülən işləri zəif, orta və yüksək səviyyəyə bölməklə ulduzlarla qiymətləndirəcəyik. İndidən deyə bilərəm ki, “Kasımpaşa”nın akademiyası və şəraiti 3 ulduza layiqdi. Bu layihəyə çox önəm veririk. Çünki Türkiyə futbolunun gələcəyi məhz bundan asılıdı. İstedadlarımız çoxdu. Sadəcə, onları tapıb üzə çıxarmaq lazımdı. ÇL-in finalına yüksələn hər iki klubun heyətində türkiyəli futbolçu var. Hakan Çalhanoğlu ilə İlkay Gündoğanı nəzərdə tuturam. Onlardan başqa Çağlar Söyüncü, Merih Dəmiral, Cengiz Ündər, Enes Ünal kimi ölkəmizdə yetişib karyerasını Avropada uğurla davam etdirən gənclərimiz var. Ən son “Fənərbaxça”da da Arda Gülər yetişib. “Beşiktaş”da Rıdvan Yılmaz, “Trabzonspor”da Uğurcan Çakır, Abdulkadir Ömür, “Qalatasaray”da Kərəm Aktürkoğlu kimi oyunçularımız var. Onların sayını artırmalıyıq. Bir yandan yaxşı baza lazımdısa, digər yandan futbol təhsilini artırıb müəyyən standart yaxalamalıyıq. Və bu sistemi Türkiyənin dörd bir tərəfinə yaymaq lazımdı. Almaniya, Belçika, Niderlanddakı modeli bura gətirmək istəyirik. Ona görə də akademiyaları bir-bir gəzib şəraitlə tanış oluruq. Təkcə istedadla heç nə bitmir. Gənclərimiz kiçik yaşdan ingilis dilini öyrənməli və yaxşı, əxlaqlı idmançı olmalarına diqqət yetirməlidilər. Legioner limitinə gəlincə, dəyişiklik etməyə ehtiyac görmədik. DÇ və zəlzələ üzündən mövsümdə iki dəfə fasilə yarandı. Çıxışını dayandıran klublarımız oldu. Zatən limitlə bağlı beşillik yeni layihəmiz var. Amma klublar indiki sistemin bir il də davam etməsini istədilər. Biz də onların istəyini həyata keçirdik. Yeni limit isə 2024/25-dən etibarən qüvvəyə minəcək”.