“Ayyaço”nu darmadağınla aşağı dəstəyə göndərən PSJ-ni indi çempionluqdan bir addım ayırır.

Hesabat turunda 4-cü dəfə elitadan gedən “Ayaçço” ilə yanaşı, “Trua”nın da aşağı yuvarlanması rəsmiləşdi. Liderin ən yaxın izləyiciləri – “Lans” və “Marsel” əzmkar qələbə qazandı. Evdə “Lill” ilə qolsuz heç-heçə edən “Monako” “şimallı itlər”i 4-cü pilləyə yaxın buraxmadı.

PSJ-nin qonağı olan “Ayaçço”nun məğlubiyyət təqdirində elitadan gedəcəyi aydın idi. Diktor heyətləri açıqlayarkən azarkeşlər növbəti dəfə Messini fitə basdı, Mbappeni isə alqışladı. Argentinalı bu oyunda yaxşı təsir bağışlamadı, amma PSJ asan qələbə qazandı. Komandalardan biri o birisinin qapısından 5 cavabsız qol keçirirsə, hansısa müqavimətdən danışmağa dəyməz. Qaltyenin qanını qaraldan yeganə məqam Hakiminin meydanda olduğu son iki oyunun hər birində qırmızı vərəqə ilə cəzalanmasıdı. Mərakeşli müdafiəçi bu dəfə 77-ci dəqiqədə - artıq oyunun taleyi həll olunandan sonra qovuldu.

“Reyms”i qəbul edən “Lans” çox tez çətin vəziyyətə düşdü. 19-cu dəqiqədə mərkəz müdafiəçisi Danso “son ümid folu”na görə meydandan qovulması azmış kimi, komandasının penalti ilə cəzalanmasına səbəbkar oldu. Baloqunun hesabı açması “qan-qızılılar”ı ruhdan salmadı. Məşqçi korpusu dəyişiklik etmədi və sadəcə, oyun sxeminə əl gəzdirdi. Hissənin sonunda artıq “Lans” penalti qazandı və Frankovski dəqiq oldu. 55-ci dəqiqədə Fofananın qolu ilə irəli çıxan meydan sahibləri qələbə hesabını çətinliklə qorudu. Təkcə bir faktı xatırladaq: “Reyms”in künc zərbəsində 14:0 (!) üstünlüyü qeydə alındı.

“Lans”la 2-ci yer uğrunda mübarizə aparan “Marsel” çoxdan elitada qalmaq şansını itirən “Anje”ni qəbul etdi. Bu oyunda da hesabı qonaqlar açdı. Dərhal hücuma atılan cənublulardan 34-cü dəqiqədə Sançes fərqləndi. Təcrübəli çilili hücumçu 2-ci hissənin əvvəlində Payetə məhsuldar ötürmə verdi. Oyunda son nöqtəni isə 77-ci dəqiqədə penaltini dəqiq yerinə yetirən Veretu qoydu.

Evdə “Lill” ilə qarşılaşan “Monako” heç-heçəyə görə ilk növbədə Nübelə minnətdar olmalıdı. Almaniyalı qapıçı dəfələrlə “knyazlar”ı qoldan xilas etdi.
“Tuluza” ilə “Nant” aprelin 29-da ölkə kubokunun finalında qarşılaşmışdı. Həmin oyunda 5:1 hesabıyla qalib gələn “Tuluza” tarixində ilk titiulu qazanmışdı. Budəfəki qarşılaşma qolsuz bitdi. Xalı 33-ə bərabər olan “bülbüllər” təhlükəli 17-ci pillədədi. Xatırladaq ki, növbəti mövsümdən elitada komanda sayı 18-ə endiriləcəyindən 17-ci yeri tutan da aşağı dəstəyə düşür. “Oser”ə qalib gələn “Brest” bu mənada vəziyyətini bir qədər yaxşılaşdırdı.

Turun qalan oyunlarına gəlincə, turnir cədvəlindəki qonşusu “Klermon”un qonağı olan “Lion” acınacaqlı şəkildə uduzdu. Lakazett 22-ci dəqiqədə hesabı açdı və 90+5-ci dəqiqədə penaltini boşa verdi. Bu hadisələr arasında isə “Klermon”dan Kiey dubl etdi.
Avrokuboklara vəsiqə uğrunda mübarizəni davam etdirən “Renn” 4 cavabsız qolla “Trua”nı aşağı dəstəyə göndərdi. “Strasbur” “Nitsa”nı məğlub etdi, “Monpelye” – “Loryan” oyununda qalib müəyyənləşmədi.

35-ci tur
PSJ – Ayaçço 5:0
Ruis, 22. Hakimi, 33. Mbappe, 47; 54. Yussuf, 73-öz qapısına. (47000)
PSJ: Donnarumma, Pereyra, Ramos, Markinyos, Hakimi, Verratti (Vitinya, 64), Ruis (Sanşeş, 64), Bernat (Zair-Emeri, 83), Mbappe, Ekitike (Soler, 83), Messi.
Lans – Reyms 2:1
Frankovski, 40-p. Fofana, 55 – Baloqun, 23-p. (37701)
Lans: Samba, Medina, Danso, Qradit, Frankovski, Əbdül Səməd, Fofana, Maçado (Aydara, 70), Sotoka, Tomasson (Füljini, 89), Openda (Onana, 78).
Marsel – Anje 3:1
Sançeç, 34. Payet, 48. Veretu, 77-p. – Sima, 28. (61130)
Marsel: Lopes, Kolaşinats (Beyi, 83), Balerdi, Ronjye, Ündər, Veretu, Genduzi (Mbemba, 73), Kloss (Tavareş, 65), Payet (Vitinya, 65), Malinovski, Sançes (Kabore, 73).
Monako – Lill 0:0
(6805)
Monako: Nübel, Enrike, Matsima, Disasi, Vanderson, Matazo, Fofana, Yakobs, Qolovin (Embolo, 74), Minamino (Akliuş, 74), Boadu (Ben Seqir, 59).
Strasbur – Nitsa 2:0
Diallo, 1; 59-p. (25147)
Klermon – Lion 2:1
Kiey, 25-p.; 65 – Lakazett, 22. (13191)
Brest – Oser 1:0
Le Duaron, 70. (15028)
Monpelye – Loryan 1:1
Mauassa, 90+4 – Fevr, 68. (12595)
Renn – Trua 4:0
Teate, 14. Burijo, 65. Toko-Ekambi, 71; 74. (27836)
Tuluza – Nant 0:0
(27033)

1. PSJ 35 26 3 6 84-35 81
2. Lans 35 22 9 4 59-27 75
3. Marsel 35 22 7 6 65-35 73
4. Monako 35 19 8 8 68-51 65
5. Lill 35 17 9 9 60-41 60
6. Renn 35 18 5 12 60-38 59
7. Lion 35 16 8 11 58-43 56
8. Klermon 35 15 8 12 39-45 53
9. Loryan 35 14 10 11 49-47 52
10. Nitsa 35 13 12 10 42-34 51
11. Reyms 35 12 14 9 42-37 50
12. Monpelye 35 13 5 17 57-58 44
13. Tuluza 35 12 7 16 48-55 43
14. Strasbur 35 9 11 15 48-55 38
15. Brest 35 9 11 15 39-50 38
16. Oser 35 8 10 17 32-57 34
17. Nant 35 6 15 14 35-50 33
18. Ayaçço 35 6 5 24 22-66 23
19. Trua 35 4 10 21 42-77 22
20. Anje 35 3 5 27 29-77 14

Bombardirlər: Mbappe (PSJ) - 26, Lakazett (Lion) - 25, Devid (Lill) - 21, Diallo (Strasbur) – 20.
Növbəti turun oyunları mayın 19-21-i aralığında keçiriləcək: Lion – Monako, Nant – Monpelye, Lill – Marsel, Ayaçço – Renn, Brest – Klermon, Nitsa – Tuluza, Reyms – Anje, Trua – Strasbur, Loryan – Lans, Oser – PSJ.

Fakt
Mbappe İkinci Dünya Müharibəsindən sonra Liqa 1-in dörd mövsümündə ən azı 25 qol vuran ikinci fransalı futbolçudu. O, cari mövsümlə yanaşı, 2018/19, 2020/21, 2021/21 mövsümlərində də bunu bacarıb. Bu mənada cığıraçan rolunu Tade Sizovski oynayıb (1955/56, 1956/57, 1958/59, 1959/60).
Turun rəqəmi
6 – “Trua” yüksək liqada keçirdiyi 11 mövsüm ərzində 6-cı dəfə aşağı yuvarlandı. Bu isə Liqa 1-də ən azı 10 mövsüm keçirən komandalar arasında ən pis nəticədi.

Turun ulduzu
Kilian Mbappe (PSJ) – dubl etdi, Hakimi də onun qapıçıdan dönən zərbəsini qola çevirdi. Həmişəki kimi fəal oldu, komandasının qələbəsi üçün əlindən gələni etdi. PSJ-nin çempionluğu öz yerində, Kilian da mövsümü bombardir kimi bitirmək üçün çalışır.

Turun sitatı
Tyerri Anri, fransalı sabiq hücumçu (PSJ azarkeşlərinin Messini fitə basması ilə bağlı):