PSJ uduzdu, “Monako” darmadağın oldu - TURUN ŞƏRHİ
Fransa çempionatına qəribə hadisələr baş verməkdədi. PSJ sanki öz əzabından ləzzət alır.
Paytaxt klubu bu dəfə evdə gözlənilmədən “Loryan” uduzdu. Təbii ki, məğlubiyyətin əsas səbəbkarı artıq 20-ci dəqiqədə 2-ci sarı vərəqə üzündən meydandan qovulan Hakimidi. Mbappe azlıqda qalan komandasının bərabərlik qolunu vursa da, “Loryan” hər hissənin sonunda fərqlənməklə turun sensasiyasına imza atdı.
Cari mövsümdə 6-cı məğlubiyyətlə üzləşən PSJ sonuncu dəfə belə çox uduzduğu 2020/21 mövsümündə 2-ci yeri tutmuşdu. “Qatar Sports Investments”in kluba sahibliyi ələ keçirdiyi 12 mövsümdə parislilərin yalnız iki dəfə çempionatda 5-dən artıq məğlubiyyəti olub.
“Loryan”a məğlubiyyət düşərgədə əhval-ruhiyyəni necə korladısa, hakimin final fitindən sonra yalnız 4 futbolçu azarkeşlərə yaxınlaşıb təşəkkür etdi. Qapıçı Donnarumma isə duruma belə izah verdi:
“Normal haldı, futbolçular oyuna görə məyusdu. Azarkeşlərlə münaqişə yoxdu. Oyundaşlarımı başa düşün, onlar belə oyuna görə çox qəzəblidi. Hər kəs məğlubiyyəti fərqli yaşayır. Belə ağır məqamdan sonra danışmaq çətindi.
Bu gün uğursuzluğa düçar olduğumuzu bilirik, ancaq nəyin qaydasında getmədiyini hələ anlamamışıq. Azarkeşlərimiz üçün də böyük məyusluqdu. Yenə də titul uğrunda mübarizədə üstünlüyü qoruyuruq. Başımızı bu fikirlə məşğul etməməliyik, çempionatın sonluğuna köklənməli, titulu qazanmalıyıq".
Bu gün uğursuzluğa düçar olduğumuzu bilirik, ancaq nəyin qaydasında getmədiyini hələ anlamamışıq. Azarkeşlərimiz üçün də böyük məyusluqdu. Yenə də titul uğrunda mübarizədə üstünlüyü qoruyuruq. Başımızı bu fikirlə məşğul etməməliyik, çempionatın sonluğuna köklənməli, titulu qazanmalıyıq".
Baş məşqçi Kristof Qaltye komandanı bir daha xal itirməməyə çağırdı:
“Ümumilikdə çox məyusuq. Bu məğlubiyyətə dərhal reaksiya verməliyik. Mövsümün ikinci hissəsi bizim üçün çox ortabab keçir, hər kəsin və hamının bunu anlaması zəruridi. İrəli, “Trua” ilə oyuna baxmaq lazımdı. Çempionatın əvvəlindən bəri liderlik edirik. Ancaq mövsümü qələbə seriyası ilə bitirməyə borcluyuq”.
“Marsel” liderin xal itkisindən yararlanmaya bilməzdi. Cənublular “Oser” üzərindəki əzmkar qələbə sayəsində PSJ ilə xal fərqini 5-ə endirdi. Turun ən böyük sensasiyalarından biri də “Monpelye”nin hesabına yazıldı. Bu komanda səfərdə “Monako”nun qapısından 4 cavabsız top keçirdi. Mövsümün sonuna yaxın parlaq təsir bağışlayan “Lill” isə artıq “knyazlar”ı haqlamaqdadı.
Bu arada sona 5 tur qalmış “Anje”nin elitadan gedəcəyi dəqiqləşdi. 14 xalla sonuncu pillədə qərarlaşan Aleksandr Düjenin yetirmələri 16-cı yeri tutmaqla bağlı nəzəri şansı da itirdilər. “Anje” “böyük beşlik” ölkələrində aşağı dəstəyə yuvarlanması rəsmiləşən ilk komandadı.
Digər xəbərlər
