“Udineze” ilə “Sintsinnati” arasında aparılan danışıqlar uğurla sona çatıb. İtaliya klubu amerikalıların oyunçusu Breneri transfer edib.

"Football-plus.az" xəbər verir ki, keçid udinelilərə 10 milyon dollara başa gəlib. Brener “Sintsinnati”nin tarixinə ən baha qiymətə satılan futbolçu kimi düşüb.

ABŞ klubu braziliyalının sonrakı satışından da müəyyən qədər qazanc əldə edəcək. Hazırkı komandasında iyula qədər oynayacaq Brener “Udineze”yə yay “transfer pəncərəsi” dövründə qoşulacaq.

O, “Sintsinnati”də üçüncü mövsümünü keçirir. Cənubi amerikalı bu müddətdə bütün turnirlərdə keçirdiyi 72 oyunda komandaya 27 qol və 8 məhsuldar ötürmə ilə faydalı olub.