“Bannerlər və plakatlar düzəldilib, şüarlar seçilib. Bütün hazırlıqlar yekunlaşıb. Xüsusi planlarımız var ki, bunlar haqda danışmaq istəmirəm. Axşamkı oyunda bəzi şəxslər yad ediləcək. Qoy, detallar sürpriz olsun.

Əslində, daha yüksək səviyyəli işlər görmək olar. Təəssüf ki, Azərbaycan futbolunda məqsədli şəkildə azarkeşlərə problemlər yaradılır. Ən azı qələbələrimizi daha təmtəraqlı qeyd etmək istəyirik. Bu şərait yaradılsa, nəinki “Neftçi”, qalan klubların tərəfdarları da oyunların daha baxımlı olması üçün əllərindən gələni edər. Hazırda adi, əhəmiyyət daşımayan məsələlər belə qabardılır. Azarkeşlər hər fürsətdə incidilir. Sanki kimsə tapşırıq verib ki, futbolsevərləri futboldan küsdürün. Başda “Forza Neftçi” olmaqla, digər fanklublar və üzv olmayan azarkeşlər həmişə “Neftçi”nin yanında olub. Tribunalar dolu olub, komanda azarkeş dəstəyini tam səmimi hiss edib. Fürsətdən istifadə edib doğma “Neftçi” sevdalılarının hər birinə təşəkkür edirəm.

Matçın gərgin keçəcəyi bəllidi. Qələbə arzusundayıq. Bu gün “Neftçi” “Qarabağ”dan həm fiziki, həm də psixoloji cəhətdən üstündü. Sadəcə, oyuna daha məsuliyyətli yanaşmaq lazımdı”.

“Qarabağ” daha güclü “Neftçi” istəyirsə, hakim ədalətsizlikləri ilə barışmamalı və kənar müdaxilələrin qarşısını almalıdı”.