“Bütün hazırlıqlar tamamlanıb. Səbrsizliklə matçın başlayacağı vaxtı gözləyirik. Azarkeşlər həmişə olduğu kimi tribunalarda yüksək səviyyədə performans göstərəcək. Adətən “Neftçi” ilə oyunlarda daha çox “Qarabağ” azarkeşi toplaşır. Bu dəfə də elə olacaq. Həm fanklub üzvləri, həm də digər tərəfdarlar öhdələrinə düşən vəzifələri layiqincə yerinə yetirəcək.

Böyük rəqabətin olacağını düşünmürəm. Çünki “Neftçi” son vaxtlar çox zəifləyib. İstərdik ki, ölkə çempionatında “Qarabağ”ın rəqibləri daha güclü olsun. Nəinki “Neftçi”, qalan klublar da inkişaf etməlidi. Biz meydanlarda əzmkar rəqabət görmək arzusundayıq. İndiki klublarla bu mümkün deyil. Bunu Azərbaycan futbolunun gələcəyi baxımından deyirəm. Ölkədə nə qədər “Qarabağ” səviyyəsində komanda olsa, o qədər yaxşıdı.

Komandamızdan qələbə gözləyirik. Açığı, dünya futbolunda olduğu kimi, bizdə də ardıcıl qələbələrdən sonra arxayınlaşma hiss olunur. “Qarabağ” bu matça çox ciddi yanaşsa, “Neftçi”ni darmadağın edər. Belə olsa, daha yaxşı… Lakin böyükhesablı qələbə qazanacağımızı düşünmürəm”.