Çempionat finiş xəttinə yaxınlaşdıqca, ikinci "5-lik" komandaları arasında gərginlik daha da artır. Amma “aşağıdakılar” AFFA İcraiyyə Komitəsinin qərarıyla barışa bilmir. Belə ki, baş məşqçiləri bu mövsüm elitanı heç kimin tərk etməməsini, 1-ci diviziondan isə iki komandanın premyer-liqaya gətirilməsini istəyir.

"Football-plus.az" olaraq bunu nəzərə alıb, “İmişli”nin baş məşqçisi Ruhid Usubova müraciət etdik:

"Mən 1-ci divizionun səviyyəsinin yüksəlməsi şərtiylə elita klublarının sayının artırılmasının tərəfdarıyam. 12 komandalı premyer-liqanın olmasını arzulayıram. Həqiqətən də "Şamaxı"ı bu il yerli futbolçularla özünü yaxşı tərəfdən göstərdi. Tovuz və Gəncə təmsilçilərinin qayıtması ölkə çempionatına rəng qatdı. "Səbail"lə "Sumqayıt"ın yaxşı bazası var. Bu komandalar elitanı tərk etsə, sponsorlar dəstəyi maksimum azaldacaq. Çünki iş adamları 1-ci divizionda hansısa komandaya dəstək olmaqda çox da maraqlı deyil. 12 komanda olandan sonra idman prinsipi əsasında sonuncunun elitanı tərk etməsinin tərəfdarıyam. Yuxarıda qeyd etdiyim kimi, bununla yanaşı, 1-ci divizionun səviyyəli yüksəldilməli, iştirakçı sayı artırılmalıdı".

ABDULLA İSMAYILOĞLU