Türkiyə Futbol Federasiyası bu mövsüm elitanı neçə komandanın tərk edəcəyi ilə bağlı yekun qərarını açıqlayıb.

"Football-plus.az" xəbər verir ki, cari mövsüm Türkiyə çempionatında 19 kollektiv iştirak edir və hər tur onlardan biri istirahət edir.

Mərhələli şəkildə 18 komandalı çempionata qayıtmağın davamı olaraq bu mövsüm elitanı 4 kollektiv tərk etməli, əvəzində ''aşağıdan yuxarıya'' 3 klub çıxmalı idi. Bunun sayəsində gələn mövsümün 18 komanda ilə keçirilməsi planlaşdırılırdı. Amma fevralın əvvəllərində baş verən dəhşətli zəlzələ bu planı pozdu. ''Hatayspor'' və ''Qaziantep'' gələn mövsüm elitada oynamaq şərti ilə çempionatdan çəkildi.

TFF-nin yeni qərarına əsasən bu mövsüm elitanı 4 yox, 2 klub tərk edəcək! ''Aşağıdan'' 3 klubun gəlməsi ilə gələn mövsüm 20 komanda ilə oynanılacaq.

Eyni qərar 1-ci liqa üçün də qəbul olunub. Çünki orda da 2 klub ''Yeni Malatyaspor''la ''Adanaspor'' çıxışını dayandırıb.

ƏLİ