Kritiano Ronaldo mövsümü çempion kimi başa vurmaya bilər. Onun çıxış etdiyi “Əl-Nəssr” çempionluq yolunda ciddi zərbə alıb.

"Football-plus.az" xəbər verir ki, Ronaldonun kapitanı olduğu komanda Səudiyyə Ərəbistanı çempionatının 25-ci turunun səfər oyunuda “Əl-Hilal”a uduzub (0:2). Bu nəticədən sonra 2-ci yerdəki “Əl-Nəssr”lə (53 xal) lider “Əl-İttihad” (56) arasındakı xal fərqi 3-ə bərabərdi. Amma “Əl-İttihad”ın ehtiyatda bir oyunu var.

Qeyd edək ki, “Əl-Hilal” – “Əl-Nəssr” matçında meydan sahibi komandanın minlərlə fanatı ilk dəqiqələrdən Kriştianonu təxribata çəkən şüarlar səsləndiriblər. Onlar bir neçə dəfə “Messi, Messi” şüarı səsləndiriblər. Belə təzyiqin Ronaldonun oyununa təsiri mənfi olub, komandası uduzub, özü isə qol vura bilməyib və sarı vərəqə də alıb. Matç sona çatandan sonra ulduz futbolçu azarkeşlərin şüarına qeyri-etik jestlə cavab verib.
Yeri gəlmişkən, daha əvvəl “Əl-Nəssr”in başqa oyunlarında da rəqib fanatlar Ronaldonu qıcıqlandırmaq üçün “Messi” şüarı səsləndirmişdilər.