Sadio Mane Çempionlar Liqasının 1/4 finalının “Mançester Siti”yə qarşı cavab oyununda iştirak edəcək.
"Football-plus.az" xəbər verir ki, bu barədə “Bavariya”nın baş məşqçisi Tomas Tuxel məlumat verib. O, Manenin komanda yoldaşı Leroy Sane ilə aralarında olan insidentə görə aldığı cəzanın başa çatdığını bildirib. Alman mütəxəssis seneqallı hücumçunun oyundaşını vurduğu üçün üzr istədiyini və komanda ilə məşqlərə başladığını söyləyib. O, çərşənbə günü MS-yə qarşı oynayacaq.
Xatırladaq ki, MS ilə ilk matçdan (0:3) sonra paltardəyişmə otağında Sadio ilə Leroy mübahisə etmiş, Mane komanda yoldaşını yumruqla vurmuşdu. Buna görə rəhbərlik 31 yaşlı futbolçunu bundesliqanın “Hoffenhaym”la matçında heyətə daxil edilməməsini qərara almışdı. Mane həmçinin 500 min avro məbləğində cərimələnmişdi.