Ötən çərşənbə günü “Bavariya” ilə müqavilə bağlayan Sadio Mane ilə bağlı daha iki xəbər yayılıb.

İyunun 22-də “Liverpul”dan Almaniya klubuna keçidi açıqlanan hücumçu yeni komandasında “17” nömrəli forma ilə çıxış edəcək. Qeyd edək ki, “Bavariya”da bu nömrəli formanı sonuncu dəfə Jerom Boatenq geyib.

Manenin yeni iş yerindəki qazancı da müəyyənləşib. “Bild” qəzetinin xəbərində seneqallı hücumçunun ilə 20 milyon avro qazanacağı və 30 yaşlı seneqallının bununla da Münhen klubunda ən yüksək maaş alan oyunçulardan biri olacağı qeyd edilir. Xatırladaq ki, Sadio “Liverpul”da ilə 12 milyon avro qazanırdı. Onun münhenlilərlə 3 illik müqavilə imzaladığını da bildirək.