Çempionlar Liqasının 1/4 finalının ilk oyununda “Mançester Siti”yə böyükhesablı məğlubiyyət (0:3) “Bavariya”da daxili ab-havaya mənfi təsir edib. Komandanın iki oyunçusu arasında qarşıdurma olub.

"Football-plus.az" xəbər verir ki, Sadio Mane və Leroy Sane oyundan sonra bir-biri ilə dalaşıb. “Bild”in məlumatına görə, 31 yaşlı hücumçu və 27 yaşlı oyundaşı paltardəyişmə otağında dava ediblər. Onların bir-birini yumruqladığı qeyd edilir. İddiaya görə, oyunçular arasındakı mübahisəyə Manenin Sanenin dediyi sözlərə əsəbləşməsi səbəb olub. Nəticədə Mane yumruğu ilə komanda yoldaşının ağzına zərbə endirib. Futbolçular əlbəyaxa olublar. Qarşıdurma digər oyunçuların müdaxiləsi ilə sona çatıb.