Qaşek rusların qanını içməyə hazırdı
Çexiya hokkey yığmasının sabiq qapıçısı Dominik Qaşek ölkəsində antirus mövqeyi ilə tanınan ən görkəmli simalardan biridi.
"Football-plus.az" xəbər verir ki, o, tennisçi həmvətəni Petra Kvitova ilə rusiyalı tennisçi Svetlana Kuznetsova arasındakı söz savaşına qoşulmağı da lazım bilib. İş ondadı ki, Kvitova rusiyalı idmançıların tennis turnirlərinə buraxılmaması ilə bağlı çağırış edib, Kuznetsova isə ona idmanla siyasəti bir-birinə qarışdırmamağı məsləhət görüb. Qaşek də öz növbəsində Kvitovanı dəstəkləyib və rusiyalı atletlərin beynəlxalq yarışlara buraxılmamasına tələb edib:
“Rusiyanın Ukraynada apardığı hərbi əməliyyatları dəstəkləməyən istənilən olimpiyaçı və ya tennisçi üçün indi fikirlərini ictimaiyyət önündə açıqlamaq baxımından ən gözəl məqamdı. Rusiyalı idmançıların bizə “tüpürməsinə” imkan verməməliyik”.
Xatırladaq ki, Beynəlxalq Olimpiya Komitəsi (BOK) martın 28-də Rusiya ilə Belarusdan olan idmançıların beynəlxalq turnirlərə buraxılmasını tövsiyə edib. Ancaq beynəlxalq federasiyalara yalnız Rusiyanın işğalçı müharibəsini dəstəkləməyən, eləcə də silahlı qüvvələr və ya milli təhlükəsizlik orqanları ilə bağlı olmayan atletləri yarışlara buraxmaq təklif olunub.
Digər xəbərlər
