"Bu il premyer-liqa maraqlı məcrada davam edir. Komandalar iki "5-liy"ə bölünüb. Turnir cədvəlində ilk 3 pillədə qərarlaşanların gücü, səviyyəsi bəllidi. Onlar haqda artıq nəsə deməyə ehtiyac duymuram. 4-cü yer uğrunda "Zirə" ilə "Qəbələ" mübarizə aparır. Bölgə təmsilçisi "qartallar"la müqayisədə daha kreativ futbol sərgiləyir. "Zirə" heyətinə görə "qırmızı-qaralar"dan üstün olsa da, qapı və müdafiə xəttindəki anlaşılmazlıqlar üzündən məyus olur. Rəşad Sadıqovun komandasına toparlanmaq üçün 1 qələbə lazımdı. Elitada qalmaq məsələsinə gəlincə, ikinci "5-liy”in bütün komandaları 1-ci diviziona yuvarlanmaq təhlükəsiylə üz-üzədi. Hətta "Turan Tovuz" da istisna deyil. Qarşıda 7 tur və 21 xal var. Son tura qədər mübarizə gedəcək. Amma mənim istəyim o idi ki, heç bir komanda elitanı tərk etməsin, əksinə, daha 2 klub qoşulsun və 12 komandanın iştirakı ilə çempionat baş tutsun".