"Gedişata baxsaq, "Qarabağ" böyük ölçüdə çempionluğu rəsmləşdirib. Möcüzə baş verməsə, Ağdam təmsilçisi çempion olacaq. "Sabah" bu mövsüm çempionata rəng qatdı və hazırda ikincidi. Təəssüf ki, "Neftçi" haqda xoş sözlər deyə bilmirik. "Ağ-qaralar" bu mövsüm ümidləri doğrultmadı. Hazırda 3-cü olsa da, "Sabah"la xal fərqi azdı və yerdəyişmə baş verə bilər. İlk "5-lik"də əsas mübarizə "Zirə" ilə "Qəbələ" arasında gedir. 4-cü yerin sahibinin də avrokuboklara vəsiqə şansı olduğundan son tura qədər gərginlik davam edəcək.

İkinci "5-lik"də "Turan Tovuz" təhlükəli zonadan bir qədər uzaq olsa da, hazırda həm oyun planında, həm də nəticələrində gerilik var. Qalan 4 komanda isə elitada qalmaq uğrunda döyüşəcək. Xal fərqi elə də çox deyil. Ona görə dəqiq demək olmur, kim aşağı yuvarlanacaq, kimlər qalacaq".