“Neftçi”nin transfer siyahısında olan futbolçulardan daha birinin adı bəlli olub.
“Football-plus.az” xəbər verir ki, söhbət hazırda Türkiyə superliqasında çıxış edən “İstanbulspor”un üzvü Demeako Dyuhanidən gedir. 24 yaşlı futbolçu müdafiənin sağında oynayır. O, bu mövsüm İstanbul təmsilçisinin heyətində 12 görüşdə meydanda olub. Bu qarşılaşmalarda 1 qol vurmağı da bacarıb.
İngiltərəli müdafiəçi 2022-ci ilin sentyabrında “Stok Siti”dən İstanbul klubuna keçib. Karyerasına “Mançester Siti”nin akademiyasında başlayan Demeako “Haddersfild”, “Boston Yunayted” kimi klublarda top qovub. Futbolçu İngiltərənin U-18 və U-20 yığmalarında da çıxış edib.
Qeyd edək ki, müdafiəçinin İstanbul təmsilçisi ilə müqaviləsinin müddəti iyunun 30-da başa çatacaq.
İLKİN SULTANLI