Qış fasiləsindən sonra 1-ci divizionda qeyri-sabit çıxışla yadda qalan klublardan biri də "Zaqatala"dı. Komanda ardıcıl iki məğlubiyyət alandan sonra bir qədər toparlanaraq son iki turda qələbə qazanıb.

"Football-plus.az" saytı olaraq, "Zaqatala"da hazırkı durumu aydınlaşdırmaq üçün baş məşqçi Rüstəm Məmmədovla əlaqə saxladıq:

"Bildiyiniz kimi, qış fasiləsindən sonra heç də yaxşı nəticələr göstərmədik. Son iki matçda qələbə qazansaq da, sərgilədiyimiz oyundan razı qalmadım. Məğlub olduğumuz qarşılarşmalarda daha yaxşı təsir bağışlayırdıq. Düzdü, heyətimizdə xəstə, zədəli, cəzalı oyunçular da çoxdu. Bu hal istər-istəməz oyuna təsir göstərir. Əsas sevindirici məqam odu ki, futbolçularım nəticəni qorumaq üçün komanda şəklində yaxşı müdafiə, xarakter göstərir. Qələbələr qazanmaq xoşdu, amma oyun planında da “artırmalıyıq”. Bu çatışmazlığı növbəti turlarda aradan qaldırmağa çalışacağıq".

ABDULLA İSMAYILOĞLU