"Yığmamız dünən ağır səfər oyunu keçirdi. Rəqibimiz güclü idi. Buna rəğmən, ilk 20 dəqiqədə millimiz yaxşı çıxış etdi, Avstriyadan çəkinmədi. Amma 1-ci qoldan sonra oyun planı pozuldu və toparlana bilmədik.

Yusif İmanovun çıxışına gəlincə, bu gün çoxları gənc qolkiperi qınayır. Amma mən düşünürəm ki, onu futbolumuza qazandırdıq. Bir futbolçunu, o cümlədən qapıçını yetişdirmək üçün illərlə vaxt lazım olur. Amma bir futbolçunu məhv etmək üçün 1 gün də bəs edir. Sözümün canı odu ki, gəlin qarayaxmadan, pisikdəkdən bir az əl çəkib futbolçulara dəstək olaq. Dünən Yusif ya fantastik, ya da bərbad çıxış etməliydi. Bəli, o həyəcanlıydı və səhvlər də etdi. Amma deyək ki, 1 qoda səhvi oldu, amma 4-5 dəfə də seyv etdi. Əsas odu ki, pis-yaxşı hardansa başlamaq lazımdı. Bu gün oturub ancaq yıxıb-sürümək, qınamaq yox, iş görmək, gənclərə inanmaq, dəstək vermək lazımdı. Mən Yusif başda olmaqla bütün gənc, perspektivli yerli futbolçularımıza inanıram. Həmçinin millimizin İsveç və digər rəqiblərlə oyunda yaxşı nəticə qazanacağına ümid edirəm".