"İndidən qapıda kimin dayanacağını dəqiq demək olmur. Amma məsələyə bir neçə aspektdən yanaşmaq olar. Yusif İmanovu yığmaya qazandırmağı və ölkənin əsas komandasında daha da təkmilləşməsini istəyiriksə, ona şans vermək olar. Amma bu böyük riskdi. Çünki Yusifin nə millidə, nə də qitəmiqyaslı yarışlarda təcrübəsi var. Bu üzdən güclü rəqib önündə həyəcan, təcrübəsizlik sözünü deyəcək.

Bununla heç də gənc qapıçının ümidlərini puç etmək istəmirəm. Bəli, mən də o fikirdəyəm ki, Yusif bu mövsümdən komandasının 27 oyununda start heyətində meydana çıxıb və özünü yaxşı tərəfdən göstərib. Amma onu da unutmayaq ki, Misli premyer-liqası Millətlər Liqası, dünya çempionatının seçmə mərhələsiylə eyni səviyyədə deyil.

Digər aspektdən yanaşsaq, millimiz güclü rəqibləri önündə qapısını toxunulmaz saxlamaqla xal qoparmağa çalışacaqsa, mütləq "çərçivə"də təcrübəli qolkiper yer almalıdı.

Açıq etiraf etməliyik ki, Səlahət ilə Emilin həm millidə, həm də klublarının heyətində qitəmiqyaslı yarışlarda yetərincə təcrübələri var. Ona görə mən qapı xəttində mütləq təcrübəsi olan, həyəcanını boğa bilən "əlcək sahibi"nin dayanmasını doğru hesab edirəm".