"Yığmamızı çətin oyunlar gözləyir. Avstriya sabah sürətli, təhlükəli hücumlar təşkil edəcək. İlk növbədə müdafiədə ehtiyatlı və sıx oynmaqla qapımızın toxunulmazlığını təmin etməliyik. İkincisi, maksimum top saxlamaqla rəqibi yormalıyıq. Heyətimizdə bunu bacaran futbolçular da var. Üçüncüsü, əlimizə imkanlar düşəcək və bundan yaxşı yararlanmaq lazımdı.

Millimiz 5 oyundu qələbə qazanır. Düşünürəm ki, psixoloji cəhətdən yaxşı durumdayıq. Bunun da faydalı olacağına inanıram. Millimizə uğurlar arzu edirəm".

"Çoxları bu gün Yusif İmanovun şans qazanmasını arzulayır. Mən belə düşünmürəm. Düzdü, "Sabah"ın gənc qapıçısı yaxşı formadadı. Amma birdən-birə Yusifin çox çətin rəqiblərlə oyunlarda millidə çıxış etməsi həm özünü, həm də komandamızı "yandıra" bilər.

Milli və qitəmiqyaslı turnirlərdə təcrübəsi olmayan gənc "əlcək sahib"inə şans vermək böyük riskdi. Bu ölkə çempionatı deyil ki, gənc qapıçıya şans tanımaqla praktika qazanmasına şərait yaradasan. Bura yığmadı və sayılı oyunlara çıxırıq. Düşünürəm ki, daha təcrübəli Səlahət ilə Emil arasında seçim olmalıdı".