"Hər iki oyunu məğlub olmadan başa vursaq..."
Sabah yığmamız seçmə mərhələdə ilk oyununu keçirəcək. Rəqib güclü Avstriyadı. 3 gün sonra isə İsveç səfərinə yollanacağıq.
Bu qarşılaşmalarda komandamızın şansları necədi? "Football-plus.az" saytı olaraq bununla bağlı Zaur Həşimovun fikrini öyrəndik:
"Hər 2 oyun Avropanın sayılıb-seçilən millilərinə qarşıdı. Həm Avstriya, həm də İsveçin heyətində top-klublarda çıxış edən futbolçular var. Bu üzdən müdafiədən oynayacağımız dəqiqdi. Hər iki oyunu məğlub olmadan başa vursaq, bizim üçün uğurlu nəticə hesab etmek olar".
Yığmamızın sabiq üzvü qapıda kimin dayanmalı olduğuna da toxundu:
"De Byazi qapını Yusif İmanova tapşıracağını söyləyib. Yaxşı olardı ki, daha öncə, yoldaşlıq görüşlərində ona debüt etmək imkanı verilərdi. Hazırda Yusif yaxşı formadadı. Start həyəcanına güc gələ bilsə, uğurlu çıxış edəcəyinə inanıram".
ABDULLA İSMAYILOĞLU
Digər xəbərlər
