"Qalatasaray'" əvvəlcə Terimə, sonra mənə haqsızlıq etdi'' - Torrent
Ötən mövsümün gedişində istefaya göndərilən Fatih Terimin əvəzinə baş məşqçi postuna gətirilən və ''Qalatasaray''ın tarixinə ən zəif məşqçilərdən biri kimi düşən Domenek Torrent Türkiyə mətbuatına açıqlamalar verib.
Xatırladaq ki, Torrent ötən yay ''Cim-Bom''dan qovulduqdan sonra klubdan FİFA-ya şikayət etdi və 2 milyon 634 min avro təzminat almağa haqq qazandı. Amma İstanbul nəhəngi bununla razılaşmayıb və məsələ hazırda İdman Arbitraj Məhkəməsindədi.
Məşqçi karyerasında Xosep Qvardiolanın köməkçisi işləməkdən başqa heç bir uğuru olmayan Torrenti dinləyək:
''Türkiyə ilə bağlı gözəl xatirələrim var. Superliqanın səviyyəsi xoşuma gəldi. Köməkçilərimlə birlikdə hazırlığımızı görürük. Yenə də Türkiyədə çalışmağa üstünlük veririk. Elita klubundan maraqlı layihə olsa, qəbul edə bilərəm. ''Qalatasaray''da məni ən yaxşı anlayan futbolçu Kərəm Aktürkoğlu idi. Nə deyirdimsə, onu da edirdi.
Bir gün Avropada yaxşı bir klubun başına keçsəm, ora birinci transfer etməyə çalışacağım futbolçu məhz Kərəm olacaq. Fatih Terimə böyük hörmətim var. Əsil əfsanədi. Onu bütün dünya tanıyır. Mənə edilən haqsızlıq məndən öncə Terimə edildi! Ötən mövsüm ''Barselona''ya qarşı keçirdiyimiz oyundan sonra Qvardiola zəng vuraraq məni təbrik etdi. Həm də Taylan Antalyalının kim olduğunu soruşdu. Oyunu onun diqqətini çəkmişdi. Taylandan başqa Markao və Nelssonun da oyununu bəyənmişdi''.
Bir gün Avropada yaxşı bir klubun başına keçsəm, ora birinci transfer etməyə çalışacağım futbolçu məhz Kərəm olacaq. Fatih Terimə böyük hörmətim var. Əsil əfsanədi. Onu bütün dünya tanıyır. Mənə edilən haqsızlıq məndən öncə Terimə edildi! Ötən mövsüm ''Barselona''ya qarşı keçirdiyimiz oyundan sonra Qvardiola zəng vuraraq məni təbrik etdi. Həm də Taylan Antalyalının kim olduğunu soruşdu. Oyunu onun diqqətini çəkmişdi. Taylandan başqa Markao və Nelssonun da oyununu bəyənmişdi''.
Football-plus.az
Digər xəbərlər
