Dünya çempionatında ilk 4 mərhələnin yekununa əsasən düşünmək olar ki, bu il çempionluq mübarizəsi “Ferrari” ilə “Red Bull” arasında gedəcək.

İtaliya mərhələsində “Red Bull”un pilotu Maks Ferstappen inamlı qələbə qazandı. Bu komandanın digər pilotu Serxio Peres finişə ikinci çatdı. Lando Norris ötən il olduğu kimi, bu il də İmola trassında 3-cü oldu. Rassell ilə Bottas arasında gedən 4-cü yer uğrunda mübarizədən britaniyalı qalib ayrıldı. “Ferrari” pilotları ev mərhələsində aşkar fiasko ilə üzləşdi.

Bununla belə, İtaliya komandası Mühəndislər kubokunda liderliyi qoruyur. Emiliya-Romaniya mərhələsi hadisə baxımından ötənilki qədər zəngin olmasa da, “Ferrari”nin uğursuzluğu və “Red Bull”un zəfəri çempionatda mübarizəni gərginləşdirdi. Son çempion Ferstappen indi lider Leklerdən 27 xal geri qalır.