- Çempionatın ən güclü komandasına qarşı oynayırdıq. Buna rəğmən, rəqibdən qorxmadıq və xarakter göstərdik. İrəli atıldıq, hücumlar təşkil etdik. Hesabı açdıq, çox keçmədən "Sabah" bərabərliyi təmin etdi. Lakin təslim olmadıq, sona qədər döyüşdük və qələbə qazandıq. Komanda layiqli qələbə qazandı.

- Bunu uğursuzluq və bəxtsizlik ilə əlaqələndirərdim. Çünki oyun planında rəqiblərdən üstün idik. Hətta qol epizodlarımız da çox idi, sadəcə, son nöqtəni qoya bilmirdik. Elvin Məmmədov, Amil Yunanov kimi təcrübəli futbolçuların yoxluğu da təsirsiz ötüşmürdü. İstənilən halda, onların meydanda olması böyük üstünlükdü. Baxın, bu gün Amil ikinci hissədə meydan çıxmaqla 2 qol vurub komandaya qələbə qazandırdı. Şükürlər olsun ki, təcrübəlilər artıq sıraya dönüb.

- İlk hissədə Emin Zamanovla Elvin Məmmədov mənim mövqeyimdə oynayırdı. Fasilədən sonra Elçin Məmmədov həmin mövqedə çıxış etdi. Onların hər biri, eləcə də bütün komanda bu gün canavar kimi döyüşdü. "Şamaxı" hansısa futbolçunun üzərində qurulmayıb. Bizim gücümüz kollektiv oyun və mübarizəmizdədi. Hər mövqedə rəqabət güclüdü. Heyətdə gənclər çox olsa da, hamısı çox istəklidi.

- Biz hər oyuna 3 xal üçün çıxırıq. Bütün rəqiblərə qarşı döyüşməkdə və təslim olmamaqda maraqlıyıq.

- Həqiqətən də ikinci "5-lik" komandaları arasında gərgin mübarizə gedir. Turnir cədvəlinə fikir versək, "Turan Tovuz"u nəzərə almasaq, qalan 4 komanda, demək olar ki, eyni xala malikdi. Biz nə sonuncu olmaq, nə də elitanı tərk etmək istəyirik. Düşünürəm ki, digər komandalar da sonuncu olmağı arzulamır. Başqalarından fərqimiz odu ki, heyətimizdə legionerlər yoxdu. Sırf azərbaycanlı futbolçulardan təşkil olunmuşuq. Məncə, bu döyüşkənliyimizi və motivasiyamızı daha da artırır. İnanıram ki, sırf yerli futbolçulardan qurulan "Şamaxı" mövsümün sonunda layiq olduğu yeri tutacaq.