"Biz bütün matçlara gözəl oyun sərgiləmək və qələbə üçün çıxırıq. "Qəbələ-2" ilə qarşılaşma da istisna deyildi. Oyuna da pis qoşulmadıq. Sürətli hücumlar təşkil etdik. Amma baş hakim 2 dəfə təmiz penaltimizi vermədi. İlk yarıda rəqib qapıçı aşkar şəkildə cərimə meydançasında futbolçumuza zərbə endirdi. Lakin referi bunu görməzlikdən gəldi. Həmin vaxt hesab açılmamışdı. Bundan sonra rəqib 2 hücum təşkil etdi və qapımıza qollar vurdu. İkinci hissədə də lehimizə 11 metrlik cərimə zərbəsi verilmədi. Buna rəğmən, irəli atıldıq və qol vurduq. Hakim səhvinə görə yenildik. Bəlkə də bizim günümüz deyildi".